НҮБ-ын Хүүхдийн сан, Харилцаа холбооны зохицуулах хороо хамтран Ерөнхий боловсролын сургуулийн 9-12 дугаар ангийн сурагчдын дунд цахим орчин дахь зүй зохистой хэрэглээний талаар мэдлэг, мэдээлэл өгөх ёс зүйтэй хэрэглээг төлөвшүүлэх зорилгоор “Цахим орчныг зохицуулах хэрэгтэй юу?” сэдэвт илтгэх ур чадвар, цахим мэтгэлцээний тэмцээнийг 2021 оны 10 дугаар сарын 25-аас 2021 оны 11 дүгээр сарын 28-ны өдрүүдэд цахимаар зохион байгууллаа. Тэмцээний зохион байгуулалт, шүүлтийн үйл ажиллагаанд Монголын Карл попперын мэтгэлцээний нийгэмлэг хамтран ажиллаа.  Тус тэмцээнд 115 багийн 345 хүүхэд бүртгүүлж мэдлэг чадвараа сорин тэргүүн байранд Ц.Нямсамбуу багштай Хобби сургуулийн “Шонхорууд” баг, дэд байранд Ирээдүй цогцолбор сургуулийн “Impact” баг, гутгаар байранд МУИС-ын харьяа Байгаль эх лицей ахлах сургуулийн “Теорем” баг, Дорноговь аймгийн Сайншанд сумын 3-р сургуулийн “Leader1” багууд, “Шилдэг хайчин асуулт”-аар Архангай аймгийн 1-р сургуулийн 10-р ангийн сурагч Б.Уртнасангийн асуулт, “Шилдэг мэтгэлцэгч”-ээр Улаанбаатар хотын 24-р сургуулийн 12 дугаар ангийн сурагч Д.Халиунаа нар тус тус шалгарлаа. Шалгарсан багуудад Харилцаа холбооны зохицуулах хорооны Зохицуулалтын бодлогыг хэрэгжүүлэх газрын дарга С.Долгорсүрэн өргөмжлөл, мөнгөн шагнал гардууллаа.

 

 

Зураг1: Ц.Нямсамбуу багштай Хобби сургуулийн “Шонхорууд” баг

 

Зураг2:Ирээдүй цогцолбор сургуулийн “Impact” баг

 

Зураг3: МУИС-ын харьяа Байгаль эх лицей ахлах сургуулийн “Теорем” баг

 

Зураг4: Улаанбаатар хотын 24-р сургуулийн 12 дугаар ангийн сурагч Д.Халиунаа

Тэмцээн амжилттай оролцсон багуудаа баяр хүргээд нийт оролцсон сурагчдадаа сурлагын өндөр амжилт хүсье.