Монгол Улсын Харилцаа холбооны зохицуулах хорооны 2018 оны ээлжит 10 дугаар хуралдааныг 2018 оны 11 дүгээр сарын 13-ны өдөр зохион байгуулав.

Харилцаа холбооны зохицуулах хорооны 2018 оны ээлжит 10 дугаар хуралдаанаар тусгай зөвшөөрлийн талаар боловсруулсан танилцуулга, санал дүгнэлт, тогтоолын төсөл, бусад асуудал (“Хорооны хуралдааны урамшууллын хэмжээ”-г тогтоох тухай) авч хэлэлцсэн. Энэхүү хуралдаан нь хэлэлцсэн асуудлаар хорооны хуралдааны 1 тогтоолыг батлан шийдвэрлэв. 

Зохицуулах хорооны хуралдаанд хэлэлцсэн тусгай зөвшөөрлийн талаар боловсруулсан танилцуулга, санал дүгнэлт, тогтоолын төслийг хэлэлцэв. Хуралдаанаас тусгай зөвшөөрлийн асуудлыг хэлэлцэх үеэр хорооны гишүүдээс гарсан санал, зөвлөмжийн дагуу холбогдох судалгаа, тооцоог боловсруулан нэгтгэж дараагийн ээлжит хуралдаанаар хэлэлцэхээр түр хойшлуулав.

Тус хуралдаанаар хорооны хуралдааны урамшууллын хэмжээ тогтоох тухай танилцуулга, тогтоолын төслийг авч хэлэлцээд, Засгийн газрын 2016 оны 268 дугаар тогтоолоор баталсан “Харилцаа холбооны зохицуулах хорооны дүрэм”-ийн 4 дүгээр зүйлийн 4.3.3 дах заалтыг үндэслэн зохицуулах хорооны дарга, хорооны гишүүдэд олгох хуралдааны урамшууллын цагийн хэмжээг тогтоож, 2018 оны 11 дүгээр сарын 13-ны өдрийн 43 тоот тогтоолыг батлав. Уг тогтоол батлагдсантай холбогдуулан тус хорооны 2016 оны 44 тоот тогтоолыг хүчингүй болгов.

(Хуралдааны баталсан тогтоолын жагсаалт, холбогдох хавсралтыг үзнэ үү).

Харилцаа холбооны зохицуулах хороо 2018-11-15