Харилцаа холбооны зохицуулах хорооны даргын 2016 оны 01 дүгээр сарын 25-ны өдрийн А/14 тоот тушаалаар батлагдсан удирдамжийн дагуу орон нутагт үйл ажиллагаа явуулж байгаа телевиз, сувгийн үйлчилгээ эрхлэгчдийн телевизээр гарч буй хөтөлбөр, нэвтрүүлгүүд “Өргөн нэвтрүүлгийн зохицуулалт, нөхцөл шаардлага”-ыг хангаж байгаа эсэхэд 2016 оны 04 сард хяналт, шалгалт хийлээ. Хяналт, шалгалтыг тухайн бүсийг хариуцсан тус хорооны төлөөлөгч болон өргөн нэвтрүүлгийн зохицуулалт хариуцсан мэргэжилтэн хийсэн.

Хяналт, шалгалт хийсэн чиглэл:

“Өргөн нэвтрүүлгийн зохицуулалт, нөхцөл шаардлага”-ын 7-р зүйл буюу “Өргөн нэвтрүүлгийн телевиз, радио, сувгийн хөтөлбөрт тавигдах шаардлага”-ын доорх заалтуудын хүрээнд хяналт, шалгалт хийсэн. Үүнд:

• Нөхцөл шаардлагын 7.35 буюу урсдаг зар явуулж байгаа эсэх (Урсдаг зарыг зар сурталчилгааны цагаас бусад цагаар явуулж болохгүй)
• Нөхцөл шаардлагын 7.36 буюу баннер, лого давхар байрлуулсан эсэх (Бараа бүтээгдэхүүн, үйлчилгээний баннер, логог зар сурталчилгааны цагаас бусад цагаар дэлгэц дээр давхардуулан гаргаж болохгүй)
• Нөхцөл шаардлагын 7.18 буюу урьдчилж гаргасан хөтөлбөртэй байх (Урьдчилж гаргасан хөтөлбөрөө 3-с доошгүй хоногийн өмнө ОСДҮЭ-д хүргүүлэх, эсхүл хөтөлбөрөө тогтмол гаргаж байх цахим хуудсыг мэдэгдэх ба олон нийтийн мэдээллийн хэрэгслээр ил тод зарлаж мэдэгддэг байх ёстой)
• Нөхцөл шаардлагын 7.4 буюу үндэсний нэвтрүүлгийн хувь (Долоо хоногийн хөтөлбөрийн нийт цагийн 50 хувиас доошгүй нь үндэсний нэвтрүүлэг байна)
• Нөхцөл шаардлагын 7.15 буюу өөрийн бүтээлийн хувь (Долоо хоногийн хөтөлбөрийн нийт цагийн 30 хувиас доошгүй нь өөрийн бүтээл байна)
• Нөхцөл шаардлагын 7.17 буюу хөтөлбөр хуваарийн дагуу цагийн хуваарийг баримталж байгаа эсэх (Телевиз, радиогийн үйлчилгээ эрхлэгч нь нэвтрүүлгээ урьдчилан гаргасан хөтөлбөр, хуваарийн дагуу, цагийн хуваарийг баримтлан нэвтрүүлнэ)
• Нөхцөл шаардлагын 7.27 буюу зар сурталчилгааны хэтрэлт (Өргөн нэвтрүүлгийн телевиз, сувгийн нэг цаг тутамд дамжуулах зар сурталчилгаа нь 15 минутаас хэтрэхгүй байна)
• Нөхцөл шаардлагын 7.43 буюу тухайн орон нутагт хийгдсэн бүтээлийн хувь (Орон нутгийн телевиз, радиогийн үйлчилгээ эрхлэгчдийн хөтөлбөрийн 30 хувиас доошгүй нь тухайн орон нутагт хийгдсэн, тухайн орон нутгийн телевиз, радиогийн үйлчилгээ эрхлэгч, студи продакшний бүтээл байна)

Шалгалтанд хамрагдах үйлчилгээ эрхлэгчид:

Дээрх мэдээллээс дүгнэж үзвэл 87 телевиз, сувгийг 04 дүгээр сард хяналтанд хамруулахад зөрчилгүй 22 телевиз, зөрчилтэй 50 телевиз, үйл ажиллагаа явуулаагүй 15 телевиз байна.

Тухайн орон нутгийн талаарх мэдээ, мэдээллийг тогтмол бэлтгэж нэвтрүүлдэггүй, өөрийн бүтээлийн хувь 30-аас бага, үндэсний бүтээлийн хувь 50-аас бага, нэвтрүүлгийн тогтсон сүлжээ, хөтөлбөр байдаггүй, урсдаг зар явуулдаг зэрэг зөрчлүүд Баян-Өлгий, Говь-Алтай, Дархан-Уул, Дорноговь, Дорнод, Дундговь, Завхан, Орхон, Өмнөговь, Сүхбаатар, Сэлэнгэ, Төв, Ховд, Хөвсгөл, Хэнтий аймгууд, Багануур, Налайх дүүргийн телевизүүдийн хувьд хэвээрээ байна.

Зөрчилтэй гарсан телевизүүд рүү зөрчлөө арилгах талаар албан тоот илгээх бөгөөд цаашид хариу ирүүлээгүй, зөрчлөө арилгаагүй, зөрчил давтан гаргасан газруудын тусгай зөвшөөрлийг түдгэлзүүлэх, цуцлах хүртэл арга хэмжээг үе шаттайгаар хэрэгжүүлэн авч ажиллах болно.