Веб сайтаар хууль зөрчсөн контент түгээхгүй байх, олон нийтийг сэтгэгдэл бичихэд ёс зүйтэй, хариуцлагатай байлгах зорилгоор Харилцаа холбооны зохицуулах хороо “Тоон контентын үйлчилгээний зохицуулалтын ерөнхий нөхцөл шаардлага”-ыг батлан хэрэгжүүлж байна. Нөхцөл шаардлагын зарим заалтуудаас дурдвал:
Нөхцөл шаардлагын дагуу вэб сайтууд нь дараах үйл ажиллагааг хэрэгжүүлнэ.
- Хуулиар бүтээж, түгээх, сурталчилахыг хориглосон контентыг вэб сайтдаа байршуулахгүй байна.
- Төрийн байгууллага болон аж ахуй нэгж байгууллагын танилцуулга, өөрсдийн үйл ажиллагаатай холбоотой мэдээллийг хүргэдэг веб сайтууд нь уг нөхцөл шаардлагад хамаарахгүй.
- Мэдээ мэдээллийн вэбсайт нь бусад вэбсайт руу холбоос хийж харуулахыг дараах тохиолдолд хориглоно. Үүнд:
- Мэдээлэл нь хууль зөрчсөн, хууль бус материалыг тараах түгээх зорилготой бол
- Зохиогчийн эрхийг зөрчсөн болон зөрчихөд хүргэсэн бол
- Хууль зөрчсөн мэдээлэл агуулаагүй ч гэсэн хэрэглэгчийг төөрөгдүүлсэн бол
- Фрейм-ийг зөвхөн өөрийн веб сайтыг оновчтой зохион байгуулахын тулд ашиглаж болох бөгөөд харин бусдын контентийг шууд байрлуулахыг
- Домэйн нэр авсан байгууллагын “WHOIS” мэдээллийн сангийн бүртгэлд вэбсайт эзэмшигчийн талаарх мэдээллээ үнэн зөв, дэлгэрэнгүй оруулна.
Нөхцөл шаардлагын дагуу вэб сайтууд нь олон нийт сэтгэгдэл (comment) үлдээх хэсэгтэй бол дараах шаардлагуудыг хэрэгжүүлнэ.
- Хэрэгллэгч аль нэг өөр хэрэглэгчийн үүсгэсэн контентыг хууль бус, нийтийн ёс зүйд сөрөг нөлөөтэй гэж үзвэл саналаа илэрхийлэх, саналын тооноос хамааран тухайн контентыг арилгах боломжийг бүрдүүлэх
- Хэрэглэгчийн интернэт хаягийг (IP address) бүтнээр нь хэрэглэгчийн үүсгэсэн контентын дээр нийтэд харагдахуйц байрлуулах.
- Сайт нь сэтгэгдэлтэй холбоотой санал, хүсэлт, гомдлыг хүлээн авснаас 24 хүртэлх цагийн дотор, хойшлуулшгүй нөхцөл нэн даруй шийдвэрлэх боломжийг бүрдүүлнэ.
- Тухайн сэтгэгдэлтэй холбоотой үүсэх логийг багадаа 6 сар хадгална.
Веб сайт бүртгэлийн маягт эндээс үзнэ үү